Inuuneritta Puljen-imit aningaasanik tunniussineq
Peqqissutsimut Naalakkersuisoq, Agathe Fontain, Inuuneritta Pulje-imit aningaasanik agguaassisimavoq.
Qinnuteqaatit katillugit 24-it ukiaq manna 2011-imi tapersersorneqarput 583.651,00 kroninik.
Taakkunannga Naalakkersuisoq Agathe Fontain Qaasuitsup Kommuniani illoqarfinni tamani niviarsiaqqanut atornerlunneqarsimasunut suliniuteqarnermut 200.000,00-inik aningaasaliissuteqarpoq..
Taakku saniatigut ukununnga aningaasaliisoqarpoq:
- Nuummi Sukkortut Peqatigiiffiannut suliniuteqarnissaannut tapiissutit
- Qaanaami timip peqqissuunissaanut aammalu suliniutit assigiinnitsut
- Timersoqatigiiffiit nutaat aammalu pioreersut suliniutaannut tapiissutit
- Suliniut "Maniitsormiut peqqissut"
- Nuummi nunap assilerluni arpattartoqatigiit suliniutaannut
- Kuummiuni meeqqanut suliniutit ajunngitsut
- KNR-ip meeqqanut aallakaatitassiornissamut atortussat
- Qasigiannguani meeqqanut aammalu utoqqarnut innarluutilinnullu suliniutit assigiinngitsut
- Kangaatsiami innuttaasunut tamanut peqqinnarnerusumik inuuneqarnissamut suliniutit
- Maniitsumi inuusuttuaqqat susassaqartinneqarnissaat
- Kattuffik Sanningasoq Tungujortup meeqqanut suliniutai
- Maniitsumi utoqqaat timiminnik atuinerulernissaat
- Nappaat kræft-i pillugu TV-kkut aallakaatitassiornissaq
- Qeqertami timip peqqinnerulernissaa
- Kangaamiuni innuttaasunut suliniutit
- Uummannani inuusuttunut suliniutit
Inuuneritta Puljen sumiiffimmi najukkami ingerlanneqartartunut pinaveersaartitsinikkut peqqissuunerulernissamullu pilersaarutinut tapiissutinik agguaasarpoq. Pilersaarutinut tapiissutinik agguaasoqartarpoq Kalaallit Nunaanni inuit peqqissusaannik taamalu inuunerup naleqassusianik pitsaanerulersitsinissamik pingaarnerusutigut siunertaqartunut.
Sukumiinerusunik paasissutissinneqarnissami attaveqarfiguuk Ella Skifte oqarasuaat +299 34 42 63 imaluunniit e-mail atorlugu uunga ella@peqqik.gl imaluunniit Miki Willumsen-imut, PAARISA-mi kontorfuldmægtig, oqarasuaat +299 34 47 54 e-mail miwi@peqqik.gl