Sap. ak. 18
Sap. ak. 18-ip siunertaa:
Sap. ak. 18 tassaavoq
Sap. ak. 18 pillugu najoqqutassaq:
Imigassartortarneq imigassartortarnermilu ileqqut aamma
aanngajaarniutit allat qitiutillugit oqallitsitsinernik
aallartitsisussanik sammisaqartitsinernillu imigassartaqanngitsunik
, najukkani pinaveersaartitsinermut ataatsimiititaliat, atuarfiit,
peqatigiiffiit, innuttaasut il.il. sap. ak. 18-imi
aaqqissuinissaannik kajumissaarneqarput. Kulturimut tunngasunik
misigisaqartitsinerit, nipilersorneq, erinarsorneq timersornerlu
ataatsimoornermik inuunerullu isumaqassusaanik, inuunermik
nuannarinninnermik peqataanermillu misigisaqartitsisinnaasut
ilaatinneqarnissaat kaammattuutigineqarput.
Kommuunit kajumissaarneqarput sap. ak. 18-imi
Innuttaasut peqqissuunissaannut 2007-imiit 2012-imut
iliuusissanut anguniakkanullu naleqqiullugu sumut
killittoqarsimanera oqallisigeqqullugu. Eqqartoqquneqarpoq
imigassamut hash-imullu tunngatillugu siunissami
pinaveersaartitsinissaq peqqissuunissamillu anguniagaqarneq
pingasunngorlugu immikkoortulerneqarsimasoq:
-
imigassamut hash-imullu tunngatillugu
inuiaqatigiit peqqissutsimikkut iliuuseqarsinnaanerannik
siuarsaanissaq
-
imigassartorluni aalakoortarnerup
millisinneqarnissaa, peqqissumik avatangiiseqalernissap
siuarsarnissaa, inuunermi peqqissumik atugassaqarnissaq aamma
peqqissumik inooriaaseqarnissaq
-
ikiaroornartunik atuinerup atornerluinerullu
akuerineqarsinnaannginnera
Sap. ak. 18-imi sammisaq, ukiuni
tallimani ingerlasussaq, tassa 2008-miit
2012-imut:
Aanngajaarniutinik atuinermi
ajoqutissarsinerit pillugit innuttaasut ilisimasaasa
annertunerulersinnissaat.
Tapiissutit: Sap. ak. 18-imut
tunngatillugu qinnuteqarnermi immersugassaq nalinginnaasoq
atorneqassaaq, tassunga allanneqassallutik siunertat pisussallu.
Qinnuteqaasiorfissaq quppernerup talerpiatungaani
aaneqarsinnaavoq.
Illoqarfinnut tapiissutit minnerpaamik kr.
5.000,00-iupput, nunaqarfinnullu minnerpaamik kr.
1.000,00-iullutik.
Ulloq qinnuteqarfissap killinga 16. april
2010
