Inuuneritta
Innuttaasut peqqissuunissaannik suliniut
Inuuneritta piffissami 2007 - 2012 innuttaasut
peqqissuunissaat pillugu erseqqissunik assigiinngitsunik
anguniagaqarpoq. Taassuma ataaani nerisaqarnermi timersortarnermilu
ileqqut pitsaanerulernissaat aammalu pujortartarnerup
annikinnerulernissaa, kisiannili aamma siunertat inooqatigiinnermi
ataatsimoorfeqarluni inuit ataasiakkaat ulluinnarni inuunerannik
nukittorsaasussat.
Naalakkersuisut toqqarsimavaat suliniutit
meeqqanut, inuusuttunut utoqqarnullu tunngatinneqartut
salliutinneqarnissaat.
Innuttaasut peqqissunissaanik suliniut
aqutsisutut suleqatigiissitanit Namminersornerullutik
Oqartussaneersunik peqqinnissaqarfimmeersunillu
inuttaqartinneqartumit suliarineqarpoq.
Suliarisassap allassimafia quppernerup uuma
talerpiatungaani atuarsinnaavat aammalu kikkut suleqatigiissitami ilaasortaanersut
tassani takusinnaavatit.
Inuuneritta innuttaasut peqqinnerulernissaasa
ineriartortinneqartuarnissaanut anguniakkanik pingaarnernik
iliuusissanillu imaqarpoq.
Inuunerittap nappatsaaliunerup
peqqinnissaqarfimmi taamaallaat suliassaanani inuaqatigiit
akornanni kikkunnit tamanit suleqataaffigineqarnissaa
eqqanaassavaa.
Innuttaasut peqqissusaanni inuk tamarmi
pineqarpoq, tassa timikkut tarnikkullu peqqissuseq, inooriaatsit
aammalu anersaakkut nukittussuseq kattutaarneqassallutik.
Inuunerittap iluani Inuuneritta Pulje
nassaassaavoq, taassuma najukkani suliniutit
pinaveersaartitsinermik peqqinnerulernissamillu siunertaqartut
Inuunerittamilu anguniarneqartunut naapertuuttut
taperserneqartarnissaat siunertaraa. 2006-imi novemberimi
siullermeerluni agguaassisoqarpoq, tamatumalu kingorna ukiumut
marloriarluni agguaassisoqartassaaq.
Nunani allani innuttaasut peqqissuunissaanik
suliniutit pillugit paasisaqarnerujumaguit quppigassaqqissut uani nassaarisinnaavatit.
Isumassarsiat Inuunerittamullu siunnersuutit
ilassilluarneqassapput uungalu nassiunneqarsinnaallutik: Jakku
Bregnhøj-imut e-mail: jabr@gh.gl
