Suleqatigiinnissamik isumaqatigiissutit

Peqqinnartumik inooriaaseqarnissaq pillugu suleqatigiinnissamik isumaqatigiissutit

Inuunerittap suliffeqarfinnik, kattuffinnik, peqatigiiffinnik, sullivinnik, immikkut ilisimasalinnik, namminersortunik allanilluunniit, peqqinnissamik siuarsaanissamut aamma/imaluunniit pinaveersaartitsinermut aalajangersimasumik suliniuteqarnissamut isumassarsisimasunik suleqateqarnissani kissaatigaa.

Suleqatigiinnissamut isumaqatigiissut tassaavoq suliniutit ataatsimoorullugit naammassineqarnissaat pillugit illuatungeriit naligiillutik atsiugaat. Suliniut suunersoq erseqqissumik allaaserineqarsimassaaq. Isumaqatigiissummi illuatungeriit akornanni nammineq piumassuseqarfigalugu pitsaasumik suleqatigiinnissaq naatsorsuutigineqarpoq.

Suliniutit kissaatigisaq malillugu imaluunniit najukkami pisariaqartinneqartut malillugit oqaasertalersorneqarsinnaapput. Suliniutit makkuusinnaapput:

• Timersoqatigiiffiit illoqarfimminni/nunaqarfimminni angalaareernerup kingorna paarnanik imermillu sassaalliiffiusunik arpatsitsisinnaapput / pisuttuaqatigiitsisinnaapput;
• Ungdomsklubbit pujortarfiunngitsunik aaqqissuussisinnaapput;
• Suliffeqarfimmi pujortarneq inerteqqutaatinneqalersinnaavoq;
• Suliffeqarfik sulisunilu peqqinnissaq pillugu isumaqatigiissusiorsinnaavoq.

Ilitsersuut aamma suleqatigiinnissamik isumaqatigiissut quppernermi uani download-erneqarsinnaavoq.

Illit imaluunniit suliffeqarfiit peqqinnissamik siuarsaanissamut aamma/imaluunniit pinaveersaartitsinermut suliniuteqarnissamut isumassarsisimagussi PAARISA  paarisa@nanoq.gl aqqutigalugu attaveqarfigisinnaavarsi.