Ikiaroornartoq

 

Inuusuttut hashilu pillugit angajoqqaanut siunnersuutit arfinillit

   

Angajoqqaajusutut qitornavit hashimik misiliinnginnissaanut akiuussinnaasunngortissavat:

 

1. Isummat erseqqaritsilluinnaruk

Qitornat oqaluutissavat, hashimik pujortassagaluarpat illit akerlerilluinnarlugu.

Isummersimanerillu tunngavilersoruk.

 

2. Oqaloqatigiinneq

Tamatigut qitornat oqaloqatigisaruk. Oqaloqatigiinneq ataqqeqatigiinnermik tunngaveqassaaq qitornavillu isumai akuersaartumik tusaaniarlugit.

 

3. Piviusorpalaartuugit

Qanoq hashimik ussiataarneqarsinnaanersoq, qanorlu naaggaarsinnaanersoq, qanorlu inuit allat hashimik pujortartartunik isiginnittarnerat pillugit qitornannik oqaloqatigiissutigikkit.

 

4. Ajunngitsumik soqutiginninnerit takutiguk

Qitornavit sunngiffimmini soqutigisai ikinngutiminillu sammisaqartarneranik soqutiginninnerit nuannarinninnerillu takutiguk.

 

5. Imigassamut tupamullu aallaqqaataasumik naaggaarit

Tupa imigassarlu hashimit siulliutillugit oqaloqatigiissutigiuk. Qitornavit pujortalinnginnissaanut tapersersuisimaguvit imigassamillu aallartiaarpallaannginnissaanik atuivallaasanngitsorlu  eqqartoreersimallugit - taava hashi pillugu oqaloqatigiinnissassinnut tunngavissaqalissaasi

 

6. Qitornamut naleqqutilerpat hashi oqaloqatigiissutigisiuk

Qitornavit hashimut alapernaasilernissaannut akiuussutissamik "kapisisoqarsinnaanngilaq". Taamaattumik pasitsakkuit qitornavit nammineerluni sunngiffimmini imaluunniit kammalaatini aqqutigalugit allatulluunniit hashimik soqutiginnilersimasoq taava hashi pillugu oqaloqatigiuk.