Unammisitsineq - Atuaqatigiit pujortartanngitsut 2009. 30.000 kr.-inik ajugaagit
Unammisitsineq -
Atuaqatigiit pujortartanngitsut 2009
PAARISA ukiut arfinilissaannik "Atuartut
pujortartanngitsut" pillugit unammisitsilerpoq. Unammisitsineq
meeqqat atuarfiini atuartunut akullernut sammitinneqarpoq.
Ajugaasut pinnattaassaat 30.000 kruuniupput.
Unammisitsinerup siunertaraa meeqqat
inuusuttullu, avatangiisit ulluinnarni unammillerneqarsinnaasut
naapertorlugit peqqinnartumik inuunissamik ilisimanninnerannik
annertunerulersitsinissaq. Meeqqat inuusuttuaqqallu
unammisitsinermi peqataanermikkut peqqinnartumik inuunermut
suliniaqataanerat qitiutinneqassaaq, peqqinnerulersitsisinnaasunik
sammisaqarneq siammarsaanerlu aqqutigalugit.
Unammitsitsinermi ukioq manna qitiutinneqarput
atuaqatigiit, meeraqataat, angajoqqaat, ilaqutat, ilinniartitsisut
allalluunniit pujortartartut pujortarunnaarsinniarlugit
suliniuteqartitsineq. Ajugaatinneqassappullu atuaqatigiit
amerlanerpaanik pujortarunnaarsitsisut.
Atuaqatigiinnut peqataaniartunut piumasaqaatit
pingasuupput:
- Atuaqatigiit akornanni pujortartoqarsimappat,
taakku pujortartartut unammitsitsinerup naammassinerani tamarmik
pujortartarunnaarsimassapput.
- Pujortarunnaarsitsiniarlutik suliai
nalunaarusiorneqassapput. Nalunaarusiornikkut allaaserineqassaaq
qanoq iliorluni pujortarunnaarsitsiniaaneq
ingerlanneqarnersoq.
- Pujortarunnaarsinneqartut uppernarsaassapput
ilumut pujortarunnaarsimallutik. Taamaliorsinnaapput naatsumik
pujortarunnaarnertik uppernarsarlugu allallutik imaluunniit
assilitillutik atsiorlutillu imaluunniit naatsumik videomut
immiutsillutik.
Unammisitsinermut ilannguttoqarsinnaavoq
immersugassaq PAARISA-mut nassiunneratigut 1. juni 2009
sioqqullugu.
Kingusinnerpaamik 30. november 2009 atuaqatigiit
ilinniartitsisortik peqatigalugu suliarisimasatik pillugit
PAARISA-mut nalunaarusiussapput. Nalunaartut akornanni
naliliisussat ajugaasunik toqqaassapput, ajugaasullu 30.000
kruuninik akilerneqassapput.
Unammisitsinermut tunngatillugu plakaatit marluk
quppersakkallu marluk malin-naasitamik allakkamut ilanngullugit
meeqqat atuarfiinut tamanut nassiussorne-qarput. Aammattaaq
KNR-TV-kkut TV-skiltinik takoqqusaarutitaqarput.
Annertunerusumik paasissutissanik piniarluni
attavigineqarsinnaavoq:
- PAARISA, siunnersorti Sofie Jessen oqaras.: 34
66 75 imaluunniit email: soj@gh.gl
