Klamydia

Malunniutai

Tunillatsinnermiit ullut 7-20-t qaangiunneranni ippigisat malunniuttarput.

Angutini arnanilu klamydiamik aseruuttoorneq aniasoqarnermik quinermiluunniit qasilisoornermik pilersitsisarpoq. Illissallu paavatigut aseruuttoortorqarnera pissutaalluni arnaq atoqatigiinnermik aanaalaarsinnaalluni.

Tunillatsissimasulli ilarpassuisa maluginngitsoortarpaat, taamaattorli tunillaasinnaallutik.

Tunillaattarnera

Klamydia ullumikkut nappaatini atoqatigiinnikkut tunillaattartuni nalinginnaanerpaanut ilaavoq.

Atoqartigiinnermik tunillaassuutaasartoq tassaavoq bakteria, Chlamydia trachomatis.

Misissortinneq

Misisssugassaq quup aqqutaaniit arnanilu aamma illissap paavaniit tiguneqartarpoq.

Katsorsarneqarnera

Klamydia katsorsarniarlugu ataasiaannarluni ataatsikkut iisassat iisartakkat akiuussutissat marluk tunniunneqartarput. Iisartagartornermiit sivikinnerpaamik ullut 7-8 qaangiunneranni klamydia aaqqittarpoq.

Katsorsartinngikkaanni

Klamydiamik aseruuttoorneq nakorsarneqanngippat kingunerluutaasinnaasut nalinginnaanerpaat makkupput: Angummi issutsigut aseuuttoorneq anniarnermik, pullattoornermik issarneqarnermillu malitsilik. Arnami aseruuttoorneq illissap iluanut siaruarnera ilululersitsisoq. Mannissat aqqutaatigut aseruuttoornermi anniarneq malunniuttarpoq, ilaatigut annikitsumik.

Mannissat aqqutaat ajoquserneqarsinnaapput taamalu illissap avataatigut naartulersoornissaq meerartaarsinnaajunnaarnerluunniit qaninnerulersarluni. Klamydia katsorsarneqanngitsoq kingusinnerusukkut meerartaarniarnermi akornusiisinnaavoq.